is-landsmot.is

Um leið og við viljum þakka öllum þeim sem komu að framkvæmd Ís-landsmóts á Svínavatni  s.s. keppendum , áhorfendum, styrktaraðilum  og ekki síst fjölmörgum sjálfboðaliðum sem unnu að undirbúningi og framkvæmd mótsins þá viljum við minna fólk á að taka frá 3. mars. 2012 fyrir Ís-landsmót á Svínavatni. Þó svo að hafi gengið á með hríðaréljum í dag og  blásið hraustlega á köflum gekk mótið vel fyrir sig, ísinn góður og knapar stóðu sig með að mæta. Undanfarin ár hefur gengið vel að afla styrktaraðila fyrir mótið og verið nokkur hagnaður sem rennur til hestamannafélaganna Neista og Þyts sem hafa verið að stór efla barna og unglinga starf m.a. með framlagi frá þessu móti.

Ögri frá Hólum var valinn glæsilegasti hestur mótsins,

knapi á honum var Sölvi Sigurðsson

Verið að afmarka brautina

Hægt verður að hafa brautina töluvert nær landi en vant er

 þannig að engri óviðkomandi umferð verður hleypt út á ísinn.

Er það ekki síst gert vegna þeirra sem eru að taka

myndir að það séu sem fæstir bílar í bakgrunninn.

 Veðurspáin er ágæt, frost um morguninn og hægur vindur,

en hlýnar og gæti farið að rigna þegar líður á daginn.

Sjá má uppfærða ráslista hér til vinstri. Dagskráin byrjar kl. 10 á B-flokk síðan A-flokk og endar á tölti. Úrslit strax á eftir hverri grein.  Hey og vatn fyrir hrossin og veitingasala fyrir fólkið  s.s. heitir drykkir, heitar samlokur, pylsur, kleinur, pönnukökur o.fl. Ekki posi á staðnum þannig að fólk þarf að hafa meðferðis einhverja aura. Ekki verður selt inn, en vönduð skrá verður til sölu á 1.000. kr. Salernisaðstaða verður á staðnum og einnig í Dalsmynni við Auðkúlurétt. Dagskránni verður útvarpað á svæðinu á FM 103,7.

Nú er skráningu lokið og ljóst að það ríkir engin kreppa á því sviði.

 Verið er að vinna úr þeim og setja upp ráslista,

en skráningar eru um 150. Mótið byrjar kl. 10

á laugardagsmorguninn á B-flokk síðan A-flokkur og endar á tölti.

Ráslistar verða birtir hér um leið og þeir liggja fyrir.

Það er ánægjulegt að greina frá því að aðal styrktaraðilar mótsins eru þeir sömu og í fyrra,

Hrossaræktarbúið Sunnaholt í Þýskalandi, sem býður upp á töltkeppnina.

Landsvirkjun sem býður upp á A flokkinn.

Húsherji ehf. Svínavatni Húnavatnshreppi sem  býður upp á B flokkinn.

Einnig bætist  Creditinfo við sem aðalstyrktaraðili vegna kynningarmála og upptöku af mótinu.

Opið verður á Potturinn Restaurant á Blönduósi um helgina og boðið

upp á mat og drykk með tilheyrandi kráarstemmingu á kvöldin.

Einnig verður kaffihúsið Við árbakkann opið á sama tíma.

Dómarar: Ámundi Sigurðsson og Sigrún Ólafsdóttir

gæðinga og hestaíþróttadómarar.

Þulur: Jón Kristófer Sigmarsson

Vallarstjóri: Indriði Karlsson

Tölvuvinnsla: Gunnar Ríkharðsson

Mótsstjóri: Ægir Sigurgeirsson

Það er helst að frétta að undirbúningur mótsins gengur mjög vel og mikil stemming í gangi. Helst er verið að spyrjast fyrir um hvort ísinn sé nógu góður. Því er til að svara að hann er í fínalagi og þarf eitthvað mikið að ganga á til að það breytist fram að móti. Fylgir hér mynd tekin í dag því til staðfestingar.

Gerður hefur verið samningur milli Hestafrétta og Ís-landsmóts um að mótið verði allt tekið upp og verði aðgengilegt á vefnum hestafrettir.is fljótlega að því loknu. Samstarfsaðilar við þetta verkefni eru, Cerditinfo, Export hestar og KercKhaert umboðið og kunnum við þeim hinar bestu þakkir fyrir stuðninginn.

Laugardaginn 5. mars  verður haldið Ís-landsmót á Svínavatni í A-Hún.

Keppt  verður í A og B flokki og opnum flokki í tölti. Fyrirkomulag með svipuðu sniði og verið hefur undanfarin ár og verða nánari upplýsingar birtar þegar nær dregur á hestanetmiðlum og hér á heimasíðu mótsins.